Formulario online para o curso 2025-2026

Bos dias!

    Este ano temos como novidade un formulario online para inscrición de socias e alugueiro de armarios para o curso 2025/2026.

    Tedes toda a información na lapela 'INSCRICIÓN COMO SOCIA - curso 2025-2026'

Como promover un uso seguro e saudable da tenoloxía na infancia e na adolescencia

O vindeiro mércores día 4 de xuño, ás 17h, terá lugar unha charla-coloquio para familias a cargo de Antonio Rial Boubeta

Comezamos

Buscamos comezar un novo curso académico con renovados folgos para acadar un sistema educativo público, equitativo, defendendo un ensino de calidade acaído ás necesidades dun alumnado diverso e plural, como é o do IES Arcebispo Xelmírez II.

Retomamos este blog como canle de comunicación fluída e eficaz para toda a comunidade educativa, especiamente para as nais e pais do alumnado deste Centro. 

Necesitamos e agardamos a vosa colaboración. Ponte en contacto con nós e súmate, entre todas podemos mellorar a nosa participación!

Renovación da Xunta Directiva da ANPA

Prezadas familias, 

Nos últimos días houbo renovación nos cargos directivos e novas incorporacións. 

Somos as seguintes:  Lurdes Sesto (presidenta), Victoria Rey (secretaria),  Dolores Neira (tesoureira), Aurora Armental, Rocío Candales, Alicia Díaz, María García, Cristina G. Escourido, Eduardo Moscoso, Begoña Nieto e Marisela Simón

A nosa vontade común é crear comunidade educativa pero somos nais de nenas e nenos dos últimos cursos, e vemos a necesidade de sumar a familias dos primeiros cursos (tamén pais!).

Entre as nosas preocupacións e liñas de traballo está a mellora da comunicación entre a propia comunidade da que somos parte, xestións de armarios ou banco de libros, as próximas obras no centro, a movilidade e seguridade no entorno, os horarios do centro (tamén os martes), as actividades complementarias ou a atención ás diversidades educativas.

Algúnha destas cuestións teñen solución a corto prazo e outras a longo prazo, motivo polo que facemos falta todas de todos os cursos.

Próximamente convocaremos reunións para traballar sobre estes temas e convidámovos a incorporarvos.

Somos comunidade Xelmirez II!

Un saúdo cordial,

A xunta directiva da ANPA